Velkomin til Álftalands

Gistiheimilið Álftaland býður upp gistingu fyrir einstaklinga og hópa allt árið. Í boði eru 8 tveggja manna herbergi og 2 eins manns herbergi með eða án morgunverða. Einnig er hægt að fá svefnpokapláss. Í húsinu er góð eldunaraðstaða og setustofa. Á sólpallinum fyrir framan húsið er heitur pottur, gufuklefi og stórt grill. Aðgengi fyrir fatlaða er mjög gott. Einnig mjög vel búið tjaldsvæði.

Reykhólar standa yst á Reykjanesskaga milli Berufjarðar og Þorska-fjarðar. Reykhólar eru fornt kirkjusetur og sögufrægt höfuðból sem forðum þótti afbragðsgóð bújörð, ein sú besta á landinu. Þar voru mikil hlunnindi og jörðinni tilheyrðu um 300 eyjar á Breiðafirði. Á Reykhólum er nú dálítið þorp, sem telur um 120 íbúa. Á staðnum er grunnskóli, heilsugæslustöð, verslun, kirkja, flugvöllur, hlunnindasafn, upplýsingamiðstöð og gott tjaldsvæði og sundlaug.

Á svæðinu er aragrúi af heitum hverum og laugum.
Reykhólar eru öflugt jarðhita- og hverasvæði og á fáum öðrum stöðum á landinu eru jafn margir nafngreindir hverir.